Acquisiziuns digitalas en la procedura d'invit ed en la procedura averta

A partir dal 1. da settember 2025 vegnan las acquisiziuns da l'Uffizi da construcziun auta dal Grischun en la procedura d'invit ed en la procedura averta mo pli fatgas sin via digitala. Sin la plattafurma d'acquisiziun dal maun public - simap.ch - vegnan publitgadas las submissiuns e las agiudicaziuns sco er realisadas eventualas rundas da dumonda.

Las offertas vegnan medemamain inoltradas sur simap.ch. Tut ils documents che concernan in'offerta ston vegnir inoltrads sin via digitala.

L'avertura da las offertas ha lieu online via Teams. Las indicaziuns davart la participaziun a l'avertura d'offertas vegnan communitgadas als offerents tut tenor la procedura. Il protocol davart l'avertura da las offertas vegn tramess als offerents suenter l'avertura via simap.ch.

Las agiudicaziuns vegnan communitgadas sur simap.ch. Cun excepziun d'offertas exclusas na vegnan tramessas naginas communicaziuns separadas davart las surdadas.

Protocols da las averturas d'offertas

Dapi l'introducziun dal nov dretg d'acquisiziun en il chantun Grischun il 1. d'october 2022 vala il suandant: per las proceduras ch'èn vegnidas publitgadas a partir da l'october 2022 na vegnan ils protocols da las averturas da las offertas betg pli publitgads en l'internet. Il protocol vegn tramess als offerents suenter l'avertura da las offertas via simap.ch.