Il nov edifizi ch'è situà directamain a l'access a l'autostrada persvada en spezial cun sia moda da construcziun persistenta. En la nova halla ed en las localitads appartegnentas po l'Uffizi per il traffic sin via controllar tut ils vehichels fin 3,5 tonnas.

La halla da controlla n'ademplescha betg mo fermamain las pretensiuns dals experts, mabain persvada er tras ina moda da construcziun persistenta. L'edifizi è effizient areguard l'energia e schanegia las resursas. Sapientivamain han ins desistì da tractar las surfatschas exteriuras e da duvrar liadiras, cuvridas da palantschieus e da paraids. Er han ins installà uschè pauca tecnica sco pussaivel, e l'electricitad vegn producida cun moduls da fotovoltaica a las fatschadas e sin tetg. L'edifizi è construì cumplettamain da lain svizzer, il lain da laresch da la fatschada deriva dal Mesauc. Plinavant è l'entir areal ordadora vegnì cuvert cun craps da salaschada ch'ins ha retratg da la via dal vitg da Mesocco.

Fotos: Romina Berri