Cun meds chantunals sustegna il chantun Grischun la construcziun da novas plazzas per emplenir e nettegiar apparats da squittar e da sprinzlar per projects pli pitschens. Il sustegn finanzial da projects da construcziun gida a reducir donns locals tras pesticids durant che quests apparats vegnan emplenids e nettegiads.

Tge premissas valan per survegnir contribuziuns chantunalas?

• Il manaschi ha il dretg da survegnir pajaments directs. La dumonda po vegnir fatga da la proprietaria resp. dal proprietari u da la cultivatura resp. dal cultivatur.
• L'investiziun sto vegnir utilisada durant ils proxims 5 onns.
• L'investiziun na po betg vegnir sustegnida tenor l'Ordinaziun davart las meglieraziuns da structura en l'agricultura (SVV; SR 913.1).
• Ina permissiun da construcziun cun vigur legala è avant maun.
• La finanziaziun è garantida.
• La contribuziun sto vegnir garantida avant il cumenzament da las lavurs.

Co guarda ora il sustegn?

• La tariffa per plazzas d'emplenir e da lavar importa 30 pertschient dal custs subvenziunabels per mesiras individualas dal manaschi singul e 50 pertschient dals custs subvenziunabels per mesiras cuminaivlas.
• La contribuziun per questa mesira vegn pajada a partir da custs subvenziunabels da 6000 francs.
• Pajads vegnan maximalmain 10 000 francs.

Tge documents ston ins inoltrar?

• Dumonda cun formular
• Plans
• Cumprova dal basegn dal Post spezialisà per la protecziun da las plantas dal Plantahof (rapport cun examinaziun da las pretensiuns tecnicas), Fabian Sgier (Fabian.Sgier@plantahof.gr.ch, 081 257 60 40)
• Finanziaziun
• Rendaquint da construcziun suenter la realisaziun cun dumonda da pajament