Il cumenzament da l'onn vegn organisada – en collavuraziun cun las vischnancas – l'enquista da las datas da structura. La mainagestiun u il mainagestiun registrescha tut ils animals sco er las surfatschas da tut ils manaschis, independentamain dal fatg, sch'i sa tracta da manaschis cun dretg da survegnir pajaments directs u betg. L'atun suonda lura la conferma da la cultivaziun. Las datas registradas vegnan duvradas dal UAG per calcular ils pajaments directs e servan tranter auter er ad intents statistics, sco basa per la politica agrara futura, per mesiras da la polizia d'epidemias d'animals e per la protecziun dals animals e da las auas.

L'enquista da las datas da structura è a medem temp er ina dumonda formala per ils pajaments directs. Responsabel per la cumplettadad e la correctadad da las indicaziuns è la mainagestiun u il mainagestiun.

Co vegn manada tras l'enquista da las datas da structura?

L'enquista da las datas da structura vegn fatga online en il agriPortal.

Co vegn jau tar l'enquista da las datas da structura?

As annunziai sin agate.ch e selecziunai là "kantonale Datenerhebung Graubünden". Sche Vus duvrais sustegn per il login, As annunziai per plaschair per telefon 0848 222 400 u per e-mail info@agatehelpdesk.ch tar il helpdesk dad Agate.

Cura vegn manada tras l'enquista da las datas da structura?

L'enquista da las datas da structura vegn fatga a partir da la fin da schaner fin il cumenzament da favrer. Vus vegnis infurmada u infurmà a temp per e-mail davart l'enquista.

Durant l'enquista vi jau annunziar ina parcella che n'è betg anc definida sco utilisaziun agricula. Co stoss jau proceder?

Cun in formular ans pudais Vus far ina dumonda per ina surfatscha utilisada da l'agricultura (SUA). Nus examinain las annunzias ed eventualmain vegn la surfatscha registrada da nov sco SUA.