Zum Seiteninhalt

Register da commerzi

Hamilton, Bonaduz (© Graubünden Ferien)

 

Il register da commerzi è organisà en moda decentrala en Svizra. Cumpetents per sia direcziun èn en emprima lingia ils chantuns.

Il IRFRC maina il register da commerzi che serva a la constituziun ed a l'identificaziun d'interpresas. El ha l'intent da registrar e da render transparents fatgs giuridicamain relevants e garantescha la segirezza giuridica sco er la protecziun da terzas persunas. Il register è public e tuts pon pretender extracts e copias da las actas.

En il register da commerzi èn inscrittas circa 15 000 interpresas activas.

Inscrits e publitgads en il Fegl uffizial svizzer da commerzi (FUSC) vegnan fatgs giuridicamain liants principalmain en connex cun subjects giuridics privats, per part er en connex cun instituziuns semistatalas e statalas. Pervia da la publicitad dal register da commerzi vala ina presumziun legala ch'il dretg saja enconuschent. Nagin na po objectar ch'el n'haja betg enconuschì ina inscripziun publitgada (art. 933 DO).

Manader dal register: Lombardini Arno, advocat lic. iur.
Substitut: Schmid Thomas

Uras da spurtegl

 08.00 – 12.00 e 14.00 – 17.00, venderdi fin las 16.00 

Termin d'annunzia per il register da commerzi

Affars da registraziun che duain vegnir inscrits en il register da commerzi anc il zercladur resp. il december 2019, ston pia vegnir inoltrads fin il pli tard ils 11 da zercladur 2019 resp. ils 09 da december 2019 (bul postal resp. bul d'entrada da l'inspecturat dal register funsil e register da commerzi) en moda inscrivibla a l'inspecturat dal register funsil e register da commerzi. Affars che entran pli tard vegnan elavurads uschè svelt sco pussaivel en il rom da nossas capacitads.