«Mes um ma pitga. Jau vi ma separar. A chasa na ma sent jau betg pli segira. Tge duai jau far?»

«Jau sun vegnida violada. Duai jau far ina denunzia? Tge capita lura?»

«En sortida è mes figl vegnì pitgà en tala moda, ch'el ha pers la schientscha. Tgi paja ils custs dal medi e dal salvament?»

«Jau vegn persequitada d'in stalker. Co duai jau ma cuntegnair? Dovr jau in'advocata?»

«Jau hai 16 onns. In collega fa pressiun sexuala sin mai. Co poss jau ma defender?»

«Jau vuless ch'il delinquent paja ils custs per mia psicoterapia. Co poss jau pretender quai?»

Nus As infurmain

• davart Voss dretgs tenor la lescha davart l'agid a victimas.
• davart Voss dretgs e Vossas pussaivladads en ina procedura penala.
• davart ulteriurs aspects giuridics.
• davart las consequenzas psichicas d'experientschas cun violenza.

Nus As cussegliain

• cun tadlar Vus.
• en connex cun la dumonda, sch'i duai vegnir fatg ina denunzia penala.
• en proceduras polizialas e giudizialas.
• en cas da dumondas concernent assicuranzas u dretgs d'indemnisaziun.

Nus As sustegnain

• da vegnir a fin cun Vossa experientscha cun violenza.
• cun intermediar persunas spezialisadas adattadas (advocata u advocat, psicoterapeuta u psicoterapeut).
• a la tschertga d'in alloschi da protecziun.

Nus As accumpagnain

• en cas da basegn ad interrogaziuns u a tractativas giudizialas.

Nus examinain e concedin garanzias per ils custs da

• psicoterapias.
• represchentanzas tras in'advocata u in advocat.
• alloschis da protecziun ed auters agids.

Ans dai in telefon u ans scrivai

Gratuit e confidenzial

+41 81 257 31 50 / opferhilfe@soa.gr.ch