Zum Seiteninhalt

Atelier d'emprendissadi per la creaziun da vestgadira

Incumbensas ed activitads

 

Scolaziun

L'atelier d'emprendissadi per la creaziun da vestgadira scolescha en ina furmaziun fundamentala professiunala da 3 onns emprendistas ed emprendists giuvens ed interessads a la moda sco creaturas e creaturs da vestgadira cun attestat federal da qualificaziun (AFQ), direcziun vestgadira da dunnas. Mintga onn vegnan admess trais fin quatter emprendistas u emprendists a l'emprim onn d'emprendissadi. Sper la lavur en l'atelier d'emprendissadi (oravant tut realisar las incumbensas da las clientas) frequentan las emprendistas ed ils emprendists la scola professiunala da moda e da concepziun a Turitg. Ils custs da la scola vegnan surpigliads dal chantun Grischun, ils custs dal material, dals meds d'instrucziun e da las excursiuns dals geniturs.

 

Aspectativas envers las candidatas ed als candidats:
• scola populara terminada;
• plaschair da cuser e da dissegnar;
• senn per concepziuns;
• Proceder per candidatas e candidats;
• dumonda da pudair far in fufragnadi;
• annunzia cun ils documents usitads;
• test da qualificaziun.

 

Servetschs

Da nossa purschida fan part la cussegliaziun individuala e la confecziun sin mesira da vestgadira da dunnas da tut gener. Quella vegn sviluppada, preparada sco muster e confecziunada tenor Vossas ideas. Ultra da l'atgna lingia da confecziun faschain nus er midaments ed adattaziuns. Gugent As cussegliain nus persunalmain tar nus en l'atelier d'emprendissadi ed ans legrain da Vossa dumonda!