Cussegliaziun da professiun, da studi e da carriera (CPSC)
Incumbensas ed activitads
La partiziun Cussegliaziun da professiun, da studi e da carriera (CPSC) cusseglia ed infurmescha persunalmain, independentamain e gratuitamain giuvenils e persunas creschidas. En ils otg lieus da la CPSC dal Grischun vegnan purschids servetschs da cussegliaziun ed i stattan a disposiziun centers d'infurmaziun professiunala (CIP).
Purschidas da cussegliaziun
Las purschidas èn gratuitas per tut las persunas che vivan en il Grischun.
| Cussegliaziun professiunala |
La tscherna da professiun ta fatschenta actualmain e ti vuls emprender d'enconuscher tes interess e tias abilitads sco er savair, per tge vias da furmaziun e professiuns che quels èn adattads? Nus t'accumpagnain durant la tscherna da professiun. En il discurs e cun tests per sclerir ils interess, las preferenzas ed il potenzial chattas ti, tge ch'è adattà per tai. Cuminaivlamain sviluppain nus pussaivladads adattadas da professiun e da scola. |
| Cussegliaziun da studi |
Ti vuls savair, tge direcziun da studi u tge via da furmaziun ch'è adattada per tai? Nus t'accumpagnain durant la tscherna da studi. En il discurs e cun tests per sclerir ils interess, las preferenzas ed il potenzial chattas ti, tge ch'è adattà per tai. Cuminaivlamain sviluppain nus pussaivladads adattadas da studi e da professiun. |
| Cussegliaziun da carriera |
Vus vulais elavurar perspectivas professiunalas, As orientar da nov, puspè entrar en la professiun u ponderar d'absolver ina furmaziun supplementara? Nus As gidain a concepir Vossa carriera professiunala: da l'analisa da la situaziun e da l'analisa dal potenzial sur tests per sclerir la qualificaziun, ils interess e la persunalitad fin a la tschertga da furmaziuns supplementaras e da champs d'activitad adattads. |
| viamia analisa da la situaziun |
Avais Vus dapli che 40 onns e vulais Vus chattar ora, nua che Vus stais professiunalmain e tge pussaivladads da svilup che Vus avais en Voss champ professiunal? Vulais Vus examinar Vossas abilitads e Vossas enconuschientschas e vesair, sche Vus essas pronta u pront per il martgà da lavur da damaun? Alura è l'analisa da la situaziun viamia exact il dretg per Vus.
|
|
| Cussegliaziun davart diplom professiunal per persunas creschidas |
Vus vulais prender suenter in diplom professiunal, per che Vus possias meglierar Vossas schanzas sin il martgà da lavur e per che Vus survegnias access a furmaziuns supplementaras? Nus As infurmain davart las pussaivladads e las premissas per prender suenter in diplom professiunal, cumpa-regliain las purschidas ed examinain cuminaivlamain las meglras schanzas da success. |
|
| Case management furmaziun professiunala CMFP |
La purschida accumpogna giuvenils e persunas giuvnas creschidas cun problematicas multiplas, ch'èn en la vegliadetgna da 14 fin 25 onns, sin lur via en la furmaziun professiunala da basa. |
|
Purschidas d'infurmaziun
En ils centers d'infurmaziun professiunala (CIP) stattan a disposiziun infurmaziuns davart la professiun, il studi e la planisaziun da carriera. I pon vegnir emprestads documents ed i vegn dà infurmaziuns gratuitas: al lieu, per telefon u per e-mail.