Tut las persunas che vulan absolver in diplom professiunal per persunas creschidas, pon s‘annunziar per ina cussegliaziun tar la Cussegliaziun da professiun, da studi e da carriera. En la cussegliaziun vegni infurmà davart las pussaivladads e las premissas per prender suenter in diplom professiunal. Las purschidas vegnan cumparegliadas e las meglras schanzas da success examinadas. A la fin da la cussegliaziun pon las clientas ed ils clients stimar, tge procedura ch'è la pli adattada per ellas ed els per prender suenter il diplom professiunal u sch'i existan per ellas ed els autras pussaivladads da carriera ch'èn pli adattadas.

Persunas creschidas cun experientscha professiunala han trais pussaivladads d'acquistar l'attestat federal da qualificaziun (AFQ) u l'attest federal professiunal (AFP):

• Emprendissadi professiunal cun in contract d'emprendissadi
• Validaziun da scolaziuns absolvidas
• Access ad in proceder da qualificaziun

Sch'ina procedura da validaziun u l'admissiun directa a la procedura da qualificaziun è la dretga via, dumonda la Cussegliaziun da professiun, da studi e da carriera tut ils documents necessaris, examinescha quels ed organisescha ils proxims pass.

Annunzia

Empleni per plaschair l'annunzia per ina cussegliaziun da carriera. Suenter As vegnin nus a contactar.

U ans telefonai: tel +41 81 257 27 72 

Ulteriuras infurmaziuns

Documentaziun