Vus vulais elavurar perspectivas professiunalas, As orientar da nov, puspè entrar en la professiun u ponderar d'absolver ina furmaziun supplementara? Nus As gidain a concepir Vossa carriera professiunala: da l'analisa da la situaziun e da l'analisa dal potenzial sur tests per sclerir la qualificaziun, ils interess e la persunalitad fin a la tschertga da furmaziuns supplementaras e da champs d'activitad adattads.

Nossas cussegliadras e noss cussegliaders da carriera

• analiseschan la situaziun;
  
• sustegnan ad elavurar finamiras e vias da soluziun;
  
• fan sche necessari tests da qualificaziun, dals interess u da la persunalitad;
  
• gidan a tschertgar champs d'activitad e furmaziuns supplementaras;
  
• gidan a rediger documents d'annunzia. 

Annunzia

As annunziai facilmain online per ina cussegliaziun e selecziunai Voss termin giavischà.

• Cussegliaziun da carriera per persunas creschidas cun u durant las suandantas scolaziuns: furmaziun professiunala da basa AFQ u AFP, maturitad professiunala, examen professiunal, examen professiunal superiur, scola spezialisada superiura, scola auta spezialisada, scola auta da pedagogia

• Cussegliaziun da studi e da carriera per persunas creschidas cun u durant las suandantas scolaziuns: maturitad gimnasiala, passarella, universitad, ETH/SPF

U ans telefonai: tel +41 81 257 27 72

Documentaziun