La purschida sa drizza a scolaras e scolars da scolas professiunalas spezialisadas, a studentas e students, ad absolventas ed absolvents da scolas autas, a persunas ch'entran puspè en il mund da lavur ed a tut las persunas creschidas che

• s'orienteschan da nov areguard la professiun e tschertgan perspectivas pussaivlas;
  
• pondereschan, tge scolaziun u tge furmaziun supplementara ch'ellas ed els pudessan far.

Nossas cussegliadras e noss cussegliaders da carriera

• analiseschan la situaziun;
  
• sustegnan ad elavurar finamiras e vias da soluziun;
  
• fan sche necessari tests da qualificaziun, dals interess u da la persunalitad;
  
• gidan a tschertgar champs d'activitad e furmaziuns supplementaras;
  
• gidan a rediger documents d'annunzia. 

Dumondas en connex cun Vossa carriera? Nus As cussegliain en nossas localitads en Vossa regiun, respundain Vossas dumondas per mail e purschain cussegliaziuns curtas al telefon.

Cussegliaziun da la furmaziun fundamentala professiunala per persunas creschidas

Persunas creschidas cun experientscha professiunala han trais pussaivladads d'acquistar l'attestat federal da qualificaziun. Per chattar or tge via ch'è la pli raschunaivla per Vus, As recumandain nus in discurs d'infurmaziun individual. Empleni per plaschair il formular da contact. Suenter As vegnin nus a contactar.

Documentaziun