Il management da cas Furmaziun professiunala è ina part da la Cussegliaziun da professiun, da studi e da carriera. El accumpogna giuvenils e persunas giuvnas creschidas cun problematicas multiplas sin il viadi en la furmaziun professiunala da basa.

Purschida per giuvenils da 14 fin 25 onns, che

• dovran sustegn professiunal en il process da la tscherna da professiun durant il stgalim superiur e da chattar ina soluziun da cuntinuaziun
  
• n'han nagina soluziun da cuntinuaziun suenter il stgalim superiur u suenter la soluziun transitorica
  
• han interrut in emprendissadi u ina soluziun transitorica.

Cuntegn da la cussegliaziun

• Accumpagnament professiunal en il process da la tscherna da professiun
  
• Elavuraziun da resursas e da finamiras sin la via en la furmaziun da basa
  
• Tschertga da soluziuns da cuntinuaziun
  
• Coordinaziun da las acturas e dals acturs participads
  
• Ils giuvenils vegnan rinforzads d'agir autonomamain. Qua vala il principi da l'agid per gidar sasez.

Annunzia or dal stgalim superiur

La purschida sa drizza a giuvenils navend dal 2. semester da la 2. scola superiura. Ils responsabels d'educaziun/las persunas d'instrucziun ed ulteriurs posts involvids annunzian il giuvenil tar la cussegliaziun da clamada. Suenter l'examinaziun dals interess e dal potenzial preschenta il cussegliader/la cussegliadra il CMFP e fa l'annunzia per quel.

Annunzia suenter il stgalim superiur

Tar la sortida da scola, sur la purschida transitorica u sur la surveglianza da la furmaziun professiunala.

Numer da telefon

Indicaziuns dals custs

 Il Case Management furmaziun è facultativs e gratuits.

Purschidas d'infurmaziun

En il Center d'infurmaziun professiunala (CIP) stattan diversas infurmaziuns actualas en connex cun professiuns e furmaziuns supplementaras a disposiziun. Ulteriuras infurmaziuns.