La tgira da monuments è ina incumbensa dal dretg public. En il Grischun sa basa ella sin la lescha chantunala davart la protecziun da la natira e da la patria (LNPGR). La LNPGR designescha edifizis singuls e gruppas d'edifizis, ma er maletgs da lieus da valur, sco objects da proteger che tutgan al champ da cumpetenza da la tgira da monuments.

L'interess public da mantegnair e da tgirar objects da proteger ha l'intent da render directamain perceptiblas e visiblas tut las fassettas da l'istorgia dal chantun e da sias vischnancas a maun d'edifizis singuls, da gruppas d'edifizis e da maletgs da lieus. Las perditgas autenticas duain star a disposiziun er a generaziuns futuras per respunder dumondas davart lur istorgia.

Lescha chantunala davart la protecziun da la natira e da la patria (LNPGR)

Ordinaziun chantunala davart la protecziun da la natira e da la patria (ONPGR)