Sco contribuziun per il giubileum da "500 onns Republica da las Trais Lias", che po vegnir festivà l'onn 2024, han l'Archiv dal stadi dal Grischun e l'Institut per la perscrutaziun da la cultura sviluppà il project d'in Atlas davart l'istorgia dal Grischun. L'atlas duai visualisar ils secturs populaziun, ambient, economia, politica e cultura da var 50 temas sur ina perioda da 500 onns, pia en la longue durée, en chartas, en infograficas ed en diagrams. Texts, illustraziuns e lur datas statisticas appartegnentas cumpletteschan las preschentaziuns graficas. Cun sia idea visuala vul l'ovra planisada intermediar l'istorgia en moda e maniera moderna e duai pudair vegnir duvrada er en las scolas grischunas. Ella vegn a star a disposiziun tant en furma stampada sco er en furma digitala.

Il chantun Grischun sustegna quest project da perscrutaziun e da publicaziun cun ina contribuziun da 900 000 francs. La finiziun dal project è terminada per il di dal Patg federal dals 23 da settember 1524.

Communicaziun a las medias pertutgant la contribuziun chantunala dals 26 da mars 2020

Descripziun dal project tar l'Institut per la perscrutaziun da la cultura (icg)