Navigation

Inhaltsbereich

MultipleImagePresenter

Buendnis-SAG-0136web-3.jpg
polizeibureau-2.jpg
farbenschnecke-2.jpg

Center per archivaziun e per istorgia grischuna

L’archiv dal stadi è l’archiv dal chantun Grischun e da ses stadis antecessurs. La conservaziun uffiziala vegn cumplettada tras numerus documents da derivanza privata ch’èn impurtants per l’istorgia dal chantun.

Cun surpigliar, conservar, cataloghisar e conservar documents degns da vegnir archivads, en spezial tals da l’administraziun chantunala, pussibilitescha l’archiv dal stadi da chapir l’agir statal da pli baud. A la perscrutaziun istorica davart il Grischun metta el a disposiziun funtaunas autenticas.

Ils documents da l’archiv dal stadi èn accessibels publicamain ed ins als po consultar gratuitamain, premess ch’els na stettian betg pli sut la protecziun da datas.

Archivalias dad 800 onns

Las archivalias da l’archiv dal stadi documenteschan var 800 onns istorgia. Il vast effectiv cumpiglia documents, actas, protocols, differents manuscrits, plans, fotografias, stampats e da nov er datas electronicas. Tut en tut han las curunas actualmain ina lunghezza da var 7’000 meters. Tras novs acquists s’augmenta la quantitad da las archivalias cuntinuadamain. Il document il pli vegl, in testament, datescha da l’onn 1209.