Certificat da scola media propedeutica e maturitad spezialisada
La scola media spezialisada (SMS) porscha suenter la terminaziun dal temp da scola obligatoric ina scolaziun a temp cumplain sin il stgalim secundar II. Ella vegn terminada cun il certificat da scola media spezialisada ch'è renconuschì en tut la Svizra. En in quart onn èsi plinavant pussaivel d'acquistar la maturitad spezialisada. Sco premissa per entrar en la SMS ston ins reussir l'examen d'admissiun chantunal.
La SMS intermediescha ina vasta furmaziun generala cun basas specificas tenor champs professiunals. En il chantun Grischun stattan a disposiziun ils trais champs professiunals sanadad, pedagogia e lavur sociala. Las scolaras ed ils scolars da la SMS sa decidan vers la fin da l'emprim onn da scolaziun per in dals trais champs professiunals. A la fin da la scolaziun da trais onns survegnan las scolaras ed ils scolars che termineschan cun success la SMS, il certificat da scola media spezialisada ch'è renconuschì en tut la Svizra e che pussibilitescha l'access a las scolas autas spezialisadas en il champ professiunal absolvì.
En il chantun Grischun porschan las suandantas scolas medias ina SMS:
Il quart onn han las absolventas ed ils absolvents da la SMS la pussaivladad d'acquistar la maturitad spezialisada en ils champs professiunals sanadad, pedagogia u lavur sociala. Questa scolaziun supplementara dura 1 onn e cumpiglia ina lavur da maturitad spezialisada cun preschentaziun e – tut tenor il champ professiunal tschernì – in praticum u ina furmaziun generala cumplementara. La maturitad spezialisada pussibilitescha l'access a las scolas autas spezialisadas ed a las scolas autas da pedagogia. Suenter avair absolvì cun success in examen cumplementar («passarella») permetta l'attestat da maturitad spezialisada plinavant da far in studi ad ina scola auta universitara. Ina scolaziun da passarella porscha per exempel la Interstaatliche Maturitätsschule für Erwachsene ISME a Son Gagl ed a Sargans.
La suandanta survista mussa la structura generala da la scolaziun e dals champs professiunals che vegnan purschids a las scolas medias spezialisadas en il chantun Grischun:
Documents generals
Scola media spezialisada
Infurmaziuns pli detagliadas davart la scolaziun da scola media spezialisada chattais Vus sin la pagina d'internet da la scola media respectiva (Scola chantunala grischuna, Center da furmaziun Surselva, Scola media evangelica Schiers, Academia Engiadina Samedan).
Maturitad spezialisada
Sectur Sanadad
Infurmaziuns (document per tudestg)
Ulteriuras infurmaziuns chattais Vus sin la pagina d'internet dal Center da furmaziun Surselva.
Sectur Pedagogia
Infurmaziuns (document per tudestg)
Ulteriuras infurmaziuns chattais Vus sin la pagina d'internet da la Scola media evangelica Schiers.
Sectur Lavur sociala
Infurmaziuns (document per tudestg)
Ulteriuras infurmaziuns chattais Vus sin la pagina d'internet da la Scola chantunala grischuna.