Praticum a partir da 2026/27
Praticum lung a partir da l'avust 2026
Scola media commerziala cun cumenzament da la scolaziun a partir da l'onn da scola 2023/24
A partir da l'avust 2026 cumenzan quellas scolaras e quels scolars che han cumenzà lur scolaziun a partir da l'onn da scola 2023/24 lur praticum lung tenor las disposiziuns da l'Ordinaziun da furmaziun 2023 (Ordinaziun dal Secretariat da stadi per furmaziun e perscrutaziun (SEFRI) davart la furmaziun professiunala da basa Commerzianta / Commerziant cun attestat federal da qualificaziun (AFQ) dals 16 d'avust 2021), relaschada en il rom da la refurma «Commerziantas/commerziants 2023».
En il suandant document èn rimnadas explicaziuns detagliadas davart las novaziuns en il rom dal praticum lung cun la nova Ordinaziun da furmaziun 2023:
Qua sutvart chattan ils partenadis da scolaziun participads cun focus sin il praticum lung las pli impurtantas infurmaziuns e documents per chargiar giu:
Documents tar il praticum lung tenor il model 3+1
Per il praticum lung sto vegnir duvrà il suandant formular da contract. Il reglament davart il praticum lung è ina part integrala dal contract e sto vegnir agiuntà a tal. Il contract sto vegnir emess en 4 exemplars, sto vegnir suttascrit dal manaschi sco er da la praticanta u dal praticant e vegnir inoltrà a la scola media commerziala.
- Contract da praticum DE (PDF, Word) / RUM (PDF, Word) / IT (PDF, Word)
- Reglament davart il praticum lung (part integrala dal contract) DE / RUM / IT
- Carnet d'obligaziuns per persunas d'instrucziun che tgiran praticums (mo per tudestg) [LINK suonda]
Documents tar il model 4i da la Fundaziun gimnasi da sport Tavau
La scola media commerziala da la Fundaziun gimnasi da sport Tavau vegn terminada suenter 4 onns cun Commerzianta / Commerziant AFQ senza maturitad professiunala. A la scola media commerziala da la Fundaziun gimnasi da sport Tavau vegn la furmaziun en la pratica professiunala integrada cumplettamain en l'instrucziun da scola. In praticum lung na datti betg.
- Reglament da la Fundaziun gimnasi da sport Tavau (mo per tudestg) [LINK suonda]
Basas giuridicas da la scola media commerziala en il chantun Grischun
Links