Praticum lung fin l'avust 2025
Scola media commerziala cun cumenzament da la scolaziun fin l'onn da scola 2022/23
Per quellas scolaras e quels scolars che han cumenzà lur scolaziun en ina scola media commerziala en il chantun Grischun fin e cun l'onn da scola 2022/23, valan per regla las disposiziuns dal dretg vegl, fin ch'ellas ed els han terminà lur scolaziun. Questas disposiziuns sa basan sin l'Ordinaziun da furmaziun 2012 (Ordinaziun dal Secretariat da stadi per furmaziun e perscrutaziun (SEFRI) davart la furmaziun professiunala da basa Commerzianta / Commerziant cun attestat federal da qualificaziun (AFQ) dals 26 da settember 2011).
Qua sutvart chattan ils partenadis da scolaziun participads cun focus sin il praticum lung las pli impurtantas infurmaziuns e documents per chargiar giu:
Documents tar il praticum lung tenor il model 3+1
Branschas Servetschs ed administraziun sco er Administraziun publica
Per il praticum lung sto vegnir duvrà il suandant formular da contract. Il reglament davart il praticum lung è ina part integrala dal contract e sto vegnir agiuntà a tal. Il contract sto vegnir emess en 4 exemplars, sto vegnir suttascrit dal manaschi sco er da la praticanta u dal praticant e vegnir inoltrà a la scola media commerziala.
Entrada en la banca per absolventas ed absolvents d'ina scola media (EBM)
Per il praticum lung sto vegnir duvrà il suandant formular da contract. Ultra da quai fa il manaschi in contract general cun la scola media commerziala per reglar ils dretgs e las obligaziuns da las parts contractantas. Da duvrar è il model dal contract general qua sutvart (che po vegnir munì cun il chau da brev da la scola respectiva). Co che las notas vegnan annunziadas, sto vegnir reglà da cas a cas en enclegientscha vicendaivla tranter las parts contractantas (en las cifras 2.1.2 e 2.2.2 dal contract general).
Per relaziuns da praticum che bancas concludan cun las praticantas ed ils praticants ordaifer il curs EBM valan las directivas da la branscha Servetschs ed administraziun.
Documents tar il model 4i da la Fundaziun gimnasi da sport Tavau
La scola media commerziala da la Fundaziun gimnasi da sport Tavau vegn terminada suenter 4 onns cun Commerzianta / Commerziant AFQ senza maturitad professiunala. A la scola media commerziala da la Fundaziun gimnasi da sport Tavau vegn la furmaziun en la pratica professiunala integrada cumplettamain en l'instrucziun da scola. In praticum lung na datti betg.
Basas giuridicas da la scola media commerziala en il chantun Grischun
Links