La furmaziun Kanti-s-wings è ina furmaziun da caracter da band. Tut ils instruments (inclusivamain la vusch) èn bainvegnids. Las provas han lieu mintgamai mardi saira en la stanza da band a la Kanti Plessur. La premissa per sa participar a la band èn bunas enconuschientschas da basa da l'instrument resp. dal chant.

Il program metta accents en ils secturs jazz, pop, funk, musical, euv. Natiralmain ch'igl è prevì da sa preschentar a diversas chaschuns sco per exempel JazzChur, occurrenzas da la Scola chantunala, en la Werkstatt a Cuira, occurrenzas d'interpresas u auters eveniments.

Mintg'onn ha in motto, quai po esser in stil da musica ubain ina musicista u in musicist. Exempels dals onns passads èn Michael Jackson, Stevie Wonder, funk u cooperaziuns cun il chor da la SCG, il KantiChor (Queen, Flower Power, Jesus Christ Superstar).