Cuntegn da la pagina

Musica da cadets

La musica da cadets è l’orchester d’instruments da flad da la Scola chantunala Cuira. Noss ensemble po guardar enavos sin ina lunga tradiziun. La musica da cadets exista gia dapi l’onn 1822. Pli baud era il corp l’ensemble d’accumpagnament per ils exercizis militars dals scolars da la Kanti. Oz vegnan oravant tut sunads tocs or dals secturs pop, rock, blues, jazz e musica da concert. Il concert annual a Cuira ha gronda tradiziun. L’ensemble s’occupa dentant era da turas da concert e projects. La musica da cadets ha 54 commembers e tutga uschia tar in dals pli gronds orchesters d’instruments da flad en il chantun. Ella vegn manada da Josias Just e Hanspeter Bircher.

Contact
Josias Just

Contact

Ils suandants instruments èn admess:
Flauta traversa, piccolo, oboa, fagot, cuntrabass, E-Bass, clarinetta, clarinetta en bass, saxofon en es, saxofon tenor, saxofon bariton, trumbetta, cornet, corn en es, corn, eufonium, bariton, corn tenor, posauna, tuba, percussiun, drums

Instruments spezials tenor cunvegna:
Ghitarra electrica, instruments en artg, piano etc.

La musica da cadets ha era in deposit d’instruments. Tut ils instruments pon vegnir emprestads.

Premissas
I vegn pretendì ina basa solida en la musica instrumentala. Entrar pon tant fitg bunas instrumentalistas e fitg buns instrumentalists sco era giuvenils interessads cun pauc experientscha en la musica instrumentala. Tuts profiteschan in da l’auter. Resguard e toleranza vicendaivla èn fitg impurtants.

Investiziun
La musica da cadets ha prova mintga gievgia las 13.10 fin las 14.45 uras en l’aula Plessur. Ultra da quai datti dus mezs dis da prova durant il temp da scola. La prova generala ha lieu il suentermezdi avant il concert medemamain durant il temp da scola. A l’entschatta da l’onn da scola datti ina fin d’emna da prova. Vitiers datti per regla 1–3 sairas da concert a Cuira ed ordvart. Sch’i fa basegns vegnan organisadas festas da cadet durant l’onn da scola.

Custs
En general è la participaziun gratuita. Tar spezials projects gronds pon vegnir elevadas contribuziuns a las spesas (quai n’è fin ussa anc mai stà il cas).