Cuntegn da la pagina

Il gimnasi

Il gimnasi da la Scola chantunala grischuna

La scolaziun a la Scola chantunala grischuna succeda sin la basa da l'Ordinaziun davart la renconuschientscha da la maturitad (ORM/MAR). Quest reglement, edì cuminaivlamain da la Confederaziun e dals chantuns, determinescha sut tge circumstanzas ch'ina scolaziun gimnasiala vegn renconuschida sco maturitad.

Ils certificats da maturitad permettan l'access a las scolas autas tecnicas da la Confederaziun ed a las universitads.

Access e durada

L'access al gimnasi da la Scola chantunala grischuna succeda suenter la sisavla classa primara u la segunda classa secundara cun passar in examen d'admissiun.

Cun l'entrada suenter la sisavla classa primara cuzza il gimnasi sis onns, sneuter la segunda classa secundara quatter onns.