Zum Seiteninhalt

A tgi sa drizza il gimnasi inferiur?

Il gimnasi inferiur (progimnasi) sa drizza cun ses grond dumber da roms obligatoris a scolaras e scolars cun voluntad d'emprender ed a scolars ch'èn pronts d'ademplir suenter la scola primara pli autas pretensiuns puncto motivaziun ed engaschi da lavur e prestaziun.

Las finamiras dal gimnasi inferiur èn en spezial:

  • intermediar ina vasta furmaziun generala sco preparaziun per la furmaziun gimnasiala cun la finamira da cuntanscher la madirezia per l'access a las scolas autas
  • promover ina tenuta da lavur ed intermediar ina tecnica d'emprender, cun las qualas il patratgar a moda analitica ed entretschada e la cumpetenza linguistica lubeschan da cuntinuar la furmaziun gimnasiala
Il gimnasi inferiur na vul betg manar ni ad in'atgna finiziun da scola ni a la preparaziun per in emprendissadi. El vul plitost preparar ils scolars per la scolaziun gimnasiala cun la finamira da cuntanscher la maturitad. Dals scolars dal gimnasi inferiur vegn perquai spetgà grond plaschair d'emprender, motivaziun e prontadad da prestaziun.