Biblioteca Post da Stab per l'egualitad da las schanzas per dunnas ed umens
Biblioteca publica a la Loëstrasse 26
Visitai nus e nossa biblioteca! Noss effectiv cumpiglia passa 1200 cudeschs cun differents temas davart dumondas da gender, identitads da schlattaina, furmas da famiglia, cumpatibilitad da la professiun cun la vita privata, egualitad da las schanzas e discriminaziuns.
|
Uras d’avertura
mardi fin gievgia, da las 9.00 fin las 17.00
Sche pussaivel, s’annunziar ordavant: 081 257 35 70 u per e-mail.
Termins èn pussaivels er ordaifer las uras d’avertura.
|
Nossa biblioteca fa part da la rait da catalogs da las bibliotecas en il Grischun ed ins chatta tut ils cudeschs en il catalog. La mascra da tschertgar a la fin da la pagina As gida a chattar in titel/ovra concreta. L'effectiv a la Loëstrasse 26 stat a disposiziun gratuitamain per retschertga e per emprestar. Nus ans allegrain da Vossa visita!
L'effectiv actual dals cudeschs (stadi dal december 2022)
Las novas acquisiziuns dapi il schaner 2023
Biblioteca da gender en la Biblioteca da la citad da Cuira
Dapi l'avust 2021 è ina part da noss effectiv en la biblioteca da la citad da Cuira. Cudeschs ch'èn accessibels en la Biblioteca da la citad han registrà sco lieu “Biblioteca da la citad da Cuira" e pon vegnir emprestads directamain là. Vus duvrais per quest intent dentant in conto d'utilisaziun tar la biblioteca da la citad. Infurmaziuns davart las occurrenzas, che nus organisain ensemen cun la biblioteca da la citad da Cuira, chattais Vus qua.