Dapi l'onn 1981 è l'egualitad da las schanzas da dunna ed um francada en la constituziun federala. Ma la realitad è in'autra. Er en il Grischun n'è l'egualitad da las schanzas anc betg realisada dal tuttafatg. Perquai ans engaschain nus per l'egualitad da dunna ed um en tut ils secturs da la vita sco er per l'eliminaziun da tut las furmas da discriminaziun directa u indirecta.

Nus cussegliain persunas, organisaziuns, interpresas, autoritads e scolas en tut las dumondas concernent l'egualitad da las schanzas (p.ex. egualitad da las pajas, cumpatibilitad da la professiun cun la famiglia, mobing, mulestas sexualas, furmaziun professiunala, return en la vita professiunala, diever da la lingua e.u.v.).

Nus realisain projects, savens en collavuraziun cun auters posts e cun autras instituziuns.

Nus infurmain la publicitad cun campagnas, cun broschuras e cun studis.

Nus documentain temas da l'egualitad ed als rendain accessibels en nossa biblioteca.

Nus lavurain en ina rait e tgirain ina stretga collavuraziun cun differentas organisaziuns ed instituziuns.