La Regenza ha avert la consultaziun tar la ina revisiun parziala da la Constituziun dal chantun Grischun (CC; DG 110.100) sco er la revisiun parziala da la Lescha da taglia per il chantun Grischun (LT; DG 720.000) cun ulteriuras midadas en la Lescha davart las taglias communalas e davart las taglias da baselgia (LTCTB; DG 720.200) ed en la Lescha davart la gulivaziun da finanzas en il chantun Grischun (LGF; DG 730.200).

A maun da quest project èsi pussaivel da prender posiziun davart la realisaziun da la midada dal sistem d'imposiziun da taglia sin la proprietad d'abitar sco er davart l'introducziun d'ina taglia immobigliara speziala sin immobiglias secundaras che servan per gronda part a l'agen diever. Confurm al conclus da la Regenza dals 8 da december 2025 (prot. nr. 877/2025) vegnir introducida ina taglia immobigliara speziala chantunala sin immobiglias secundaras che servan per gronda part a l'agen diever, e vegnir stgaffida la basa legala, per che las vischnancas sco er las baselgias chantunalas e lur cumins-baselgia possian introducir ina tala taglia immobigliara speziala. Uschia pon vegnir cumpensadas las perditas da taglia sin immobiglias secundaras che resultan pervia da l'aboliziun da l'imposiziun da taglia sin la valur da l'atgna locaziun.

Per motivs da la segirezza giuridica duai vegnir francada en la Constituziun chantunala ina permissiun da divergenza, quai analogamain a la nova disposiziun da l'art. 127 al. 2bis da la Constituziun federala (Cst.; CS 101), ch'è vegnida acceptada ils 28 da settember 2025 cun clera maioritad dal pievel e dals chantuns. Areguard la taglia immobigliara speziala permetta quai d'imponer taglias differentas per proprietarias e proprietaris d'emprimas immobiglias e d'immobiglias secundaras.

Cumenzament: 27 d’avust 2026
Fin: 27 da november 2026