Sin basa da la revisiun totala da la lescha da sanadad sto er l'ordinaziun respectiva vegnir revedida. Sin il stgalim da l'ordinaziun na vegn per ordinari betg fatga ina consultaziun. Ma perquai che las midadas da l'ordinaziun pudessan avair en quest cas consequenzas pli grondas, èsi pussaivel da prender posiziun davart las midadas fin ils 12 d'avrigl 2017. Quai duai garantir che las disposiziuns da l'ordinaziun vegnian concepidas en ina moda pratitgabla. En l'ordinaziun vegnan concretisadas las obligaziuns da las persunas spezialisadas e dals manaschis dal sectur da sanadad.

Avertura: 16 da favrer 2017
Fin da la consultaziun: 12 d'avrigl 2017