Cuntegn da la pagina

Consultaziun davart l'adattaziun dal sistem electoral per il Cussegl grond

Il sistem electoral sto vegnir adattà, perquai ch'il Tribunal federal ha incumbensà il chantun Grischun da stgaffir in urden electoral confurm a la Constituziun en vista a las proximas elecziuns da renovaziun dal Cussegl grond.

Il Tribunal federal ha constatà che la procedura da maiorz – che vala actualmain en il chantun Grischun per las elecziuns dal Cussegl grond – correspundia per gronda part, però betg en tuts reguards a las pretensiuns dal dretg constituziunal. En vista a quests fatgs èsi cler che las elecziuns da renovaziun dal Cussegl grond da l'onn 2022 na pon betg pli vegnir manadas tras tenor il sistem electoral da fin ussa. Igl è necessari d'adattar il sistem electoral. Per quest intent sto probablamain vegnir midada la Constituziun cun ina votaziun dal pievel obligatorica, e leschas ed ordinaziuns ston vegnir adattadas.

Cumenzament: 1 d'avrigl 2020
Termin final: 30 da zercladur 2020