Cuntegn da la pagina

Revisiun parziala da la lescha davart ils dretgs politics en il chantun Grischun

Cun questa revisiun duain vegnir stgaffidas las basas giuridicas chantunalas necessarias en cumplettaziun dal dretg federal, per pudair introducir il e-voting sco terz chanal da votaziun ordinari per tut las persunas cun dretg da votar e sin tut ils plauns dal chantun. Sco elements centrals cuntegna ella ina procedura d'annunzia generala per las persunas cun dretg da votar che vulan duvrar il e-voting sco er ina procedura d'annunzia per tut las elecziuns d'autoritads che han lieu tenor la procedura da maiorz a l'urna. Essenzial è ultra da quai che las regiuns e las vischnancas pussibiliteschian la votaziun electronica, sche las votaziuns regiunalas resp. communalas a l'urna han lieu a medem temp sco votaziuns federalas u chantunalas. Uschia valan las medemas reglas per tut ils plauns statals.
Il e-voting duai vegnir preparà ed introducì en stretga collavuraziun tranter il chantun e las vischnancas, e quai en duas etappas a partir da l'onn 2020.

Avertura: 24 da mars 2017
Fin da la consultaziun: 24 da zercladur 2017