Daventa ina part da nus e gida a concepir noss chantun!

T'infurmescha davart nossas plazzas d'emprendissadi libras e davart ils benefits durant tes emprendissadi.

En cas da dumondas generalas davart la furmaziun professiunala tar il chantun Grischun t'infurmescha per plaschair davart nossas 20 differentas professiuns d'emprendissadi u contactescha l'Uffizi da persunal.

En il rom da quest sectur spezial porscha l'Uffizi da persunal ils suandants servetschs

Las emprendistas ed ils emprendists èn noss avegnir e la promoziun da la generaziun professiunala giuvna ans stat a cor.

Nus essan superbis da pudair porscher ina vasta paletta da professiuns che satisfan als differents interess ed a las diversas abilitads da las emprendistas e dals emprendists.

Nossa finamira è quella da porscher a las emprendistas ed als emprendists ina scolaziun d'emprima qualitad, che als prepara optimalmain per lur carriera futura. En quest connex sustegnain nus las emprendistas ed ils emprendists davent da la recrutaziun fin a la terminaziun da l'emprendissadi, quai sco post da consultaziun central per tut lur dumondas e giavischs. Tut quai cumpiglia er la recrutaziun da las emprendistas e dals emprendists, l'emissiun dals contracts d'emprendissadi e la repartiziun dals emprendissadis da rotaziun, la cussegliaziun ed il sustegn administrativ sco er l'organisaziun d'occurrenzas cuminaivlas.