Lauftext

En il rom da quest sectur spezial porscha l'Uffizi da persunal ils suandants servetschs

Segirezza al plaz da lavur e protecziun da la sanadad (SLPS) (prevenziun, cussegliaziun)

Il post spezialisà central SLPS / Coordinaziun generala da l'administraziun chantunala tar l'Uffizi da persunal procura per la direcziun e la realisaziun surordinada unitara da las activitads en il sectur da la segirezza al plaz da lavur e da la protecziun da la sanadad.

El organisescha in barat instituziunalisà tranter ils posts da servetsch ed als cusseglia en cas da basegn en l'execuziun da lur incumbensas. El identifitgescha champs d'acziun che cumpiglian plirs posts da servetsch e recumonda mesiras surordinadas.

Il post spezialisà SLPS è er cumpetent per la coordinaziun cun posts spezialisads externs, cun autoritads sco er cun la soluziun da branscha da la Cumissiun federala da coordinaziun per la segirezza a la plazza da lavur (CFSL).

Promoziun da la sanadad (prevenziun)

L'Uffizi da persunal realisescha differents programs da promoziun da la sanadad per las collavuraturas ed ils collavuraturs da l'administraziun chantunala dal Grischun, da las dretgiras chantunalas, da l'Assicuranza d'edifizis dal Grischun, da l'Institut d'assicuranza sociala dal chantun Grischun sco er da la Cassa da pensiun dal Grischun. Questas purschidas vegnan examinadas mintga onn. En cas da basegn vegnan ellas adattadas u cumplettadas cun novas purschidas da promoziun da la sanadad.

Management da reabilitaziun

Il management da reabilitaziun da l'administraziun chantunala è in sustegn coordinà per collavuraturas e collavuraturs ch'èn vegnids malsauns u che han gì in accident e ch'èn engaschads tar l'administraziun chantunala dal Grischun, tar las dretgiras chantunalas, tar l'Assicuranza d'edifizis dal Grischun, tar l'Institut d'assicuranza sociala dal chantun Grischun sco er tar la Cassa da pensiun dal Grischun. La finamira è quella da reintegrar questas persunas en il process da lavur.