Daventai ina part da nus

Contribui Vossas abilitads unicas e concepi communablamain cun nus l'avegnir da noss Chantun. Nus purschain pussaivladads da lavur multifaras en champs d'incumbensas pretensius e cundiziuns da lavur attractivas.

As infurmai davart noss jobs vacants e davart las purschidas accessoricas da l'administraziun chantunala dal Grischun sco patruna.

Vossa plazza dals siemis n'è betg publitgada? Lura abunai noss job-mail per survegnir cuntinuadamain infurmaziuns davart novas plazzas.

Gugent retschavain nus er annunzias spontanas.

Ti vulessas t'infurmar davart las 19 differentas professiuns cun emprendissadi e tschertgas ina plazza d'emprendissadi adattada?

En cas da dumondas davart ina plazza vacanta As drizzai per plaschair directamain a la persuna da contact inditgada en l'inserat da la plazza.

En cas da dumondas generalas davart la recrutaziun tar il chantun Grischun As drizzai per plaschair a l'Uffizi da persunal dal Grischun.

En il rom da quest sectur spezial porscha l'Uffizi da persunal ils suandants servetschs

En temps da mancanza da persunal qualifitgà daventa la tschertga da collavuraturas e collavuraturs adina pli pretensiusa. La tschertga da persunal persistenta per tut ils posts da servetsch da l'administraziun chantunala dal Grischun, las dretgiras chantunalas, l'Assicuranza d'edifizis dal Grischun, l'Institut d'assicuranza sociala dal chantun Grischun sco era per la Cassa da pensiun dal Grischun è la cumpetenza centrala da nossas cussegliadras e da noss cussegliaders da persunal. Quai cumpiglia la publicaziun trilingua da las plazzas, l'examinaziun da pajas unitaras e gistas, la stipulaziun dals contracts, la cussegliaziun cumpetenta ed il sustegn administrativ enfin la fin dal temp d'emprova. Las professiuns eterogenas en ils differents posts da servetsch èn uschè multifaras sco las persunas che lavuran tar nus.