Ina permissiun da dimora survegnan ils burgais d'UE/AECL cun in contract da lavur illimità u al minimum in onn, premess ch'il pensum da lavur sa refereschia effectivamain sin la cuminanza da lavurants tenor la cunvegna davart la libra circulaziun.
La permissiun da dimora per ils burgais d'UE/AECL vegn accordada per ina durada da la valaivladad da tschintg onns, sch'il proponent porta il mussament dad in engaschament da lavur illimità u da passa in onn. Suenter la scadenza da la permissiun da dimora exista la pussaivladad da prolungar.
Ins sto inoltrar:
- Il formular da dumonda A1 cun conferma da lavur dal patrun ubain il contract da lavur
- Ina copia da la carta d'identitad valaivla u dal pass valaivel
Il petent sto inoltrar il formular da dumonda ultra dals documents precedents tras la controlla d'abitants cumpetenta da la vischnanca da domicil.
Ulteriuras infurmaziuns survegnis Vus dal ressort d'entrada, numer da telefon: 081 257 25 25.
Link al fegl d'infurmaziun