L'entrada nova cun l'intent da tschertga da plazza è pussaivla e po vegnir concedida per sin il pli 6 mais (inclusiv dimora da turists). Sin il formular da dumonda A1 ston ins inditgar ultra d'autras indicaziuns imperativamain la data d'entrada (era quella sco turist/a, premess ch'ins saja entrà avant da far la dumonda). Premissa per accordar ina permissiun da dimora curta davart la midada da plazza èn meds finanzials ch'èn avant maun per tut il temp dumandà e che ston p.ex. vegnir cumprovads cun in extract da banca actual.

Ins sto inoltrar:

• Il formular da dumonda A1
• Ina copia da la carta d'identitad u dal pass
• Cumprova da meds finanzials (extract da banca)

Il petent sto inoltrar il formular da dumonda ultra dals documents precedents tras la controlla d'abitants cumpetenta da la vischnanca da domicil.

Ulteriuras infurmaziuns survegnis Vus dal ressort da dimora, numer da telefon: 081 257 25 28

Link als formulars da dumonda

Link a la dispensaziun da l'obligaziun da discreziun