Sut in domicil senza gudogn chapeschan ins in domicil en Svizra senza in'activitad da gudogn en l'interiur ed en l'exteriur. Ultra d'avunda meds finanzials ston la dimora ed il center da la vita per gronda part vegnir spustads en Svizra.
La facultad u l'entrada da rentas sto preschentar in'autezza che giascha sur la summa che autorisescha da survegnir prestaziuns supplementaras tenor las disposiziuns da la lescha federala davart prestaziuns supplementaras da l'assicuranza per vegls, survivents ed invaliditad en Svizra e che tanschan fin a la fin da la vita per pudair finanziar ils custs d'existenza che resultan qua d'agens meds finanzials. L'utilisaziun da daners dal stadi, sco prestaziuns supplementaras, maina a la retratga da la permissiun da dimora.
Per regla vegni dumandà per ina verificaziun positiva da la dumonda cun ina decisiun intermediara, ma avant da dar la permissiun da dimora vegni dumandà d'annunziar la partenza dal pajais d'origin ubain autras cumprovas davart la dischlocaziun dal center da vita effectiv en Svizra (p.ex. la disditga da l'abitaziun, da la cassa da malsauns, da l'abunament dal telefonin, cumprovas davart ina vendita da chasa, ina disditga d'assicuranzas sco assicuranza da mobigliar ed assicuranza da responsabladad, ina sortida d'in vehichel etc.).
Ins sto inoltrar:
- Il formular da dumonda A1
- Ina cumprova dals meds finanzials (extracts da banca, decisiuns da renta)
- Decleranza da domicil
- Questiunari
- La(s) copia(s) da la(s) carta(s) d'identitad u dal(s) pass da las persunas entrantas
Sch'i vegn constatà suenter avair accordà ina permissiun da dimora che la dimora ed il center da la vita na sa chattan per gronda part betg resp. betg pli en Svizra ubain ils meds finanzials n'èn betg pli suffizients per prender domicil senza gudogn, ston ins quintar cun ina retratga dal la permissiun cun ina spedida da la Svizra.
Il petent sto inoltrar il formular da dumonda ultra dals documents precedents tras la controlla d'abitants da la vischnanca da domicil.
Ulteriuras infurmaziuns survegnis Vus dal ressort da dimora, numer da telefon: 081 257 25 28.
Link als formulars da dumonda
Link per il questiunari prender domicil senza gudogn
Link per la decleranza da domicil