Qua chattais Vus infurmaziuns davart las singulas instituziuns che han medias AV en lur inventaris. Ultra da quai vegni rendì attent a collecziuns u a medias spezialas entaifer ils inventaris.
Archiv cultural da l'Engiadin'ota
L'archiv cultural da l'Engiadin'ota a Samedan documentescha da maniera cumplexa l'Engiadin'ota ed er las regiuns cunfinantas, ma er lur abitantas ed abitants.
Archiv da la citad da Cuira
L'archiv da la citad da Cuira è l'archiv da la chapitala dal Grischun Cuira. Las collecziuns èn documents davart l'istorgia da Cuira sco er actas da l'administraziun da la citad da Cuira. Ils locals da l'archiv da la citad sa chattan en la chasa municipala istorica en la citad veglia da Cuira.
Archiv dal stadi dal Grischun
L'archiv dal stadi è la memoria dal chantun e da sia populaziun. El segirescha bains culturals unics en scrit, per gronda part unicats – dal document medieval da pergiamina fin a las datas electronicas – per la perscrutaziun istorica e sco basa per l'identitad chantunala e locala.
Biblioteca chantunala dal Grischun
Sco biblioteca d’archiv grischuna è la biblioteca chantunala il lieu da rimnada central per la Retica, q.v.d. per tut ils mediums che vegnan stgaffids en il Grischun u che pertutgan il Grischun cun lur cuntegn o lur paternitad.
Biblioteca documentara da San Murezzan
La biblioteca documentara rimna, ordinescha e cataloghisescha documents da l'istorgia locala da San Murezzan, e quai dal passà fin al temp preschent.
Cinémathèque Suisse Lausanne
La Cinémathèque è in museum per il kino. Ella nu cumpiglia be films svizzers, mabain tut che chi ha da far cun l'art da film. Ella conserva exponents digitals ed electronics sco er maletgs foto chemic.
Institut grischun per la perscrutaziun da la cultura
L'institut grischun per la perscrutaziun da la cultura igc è in institut da perscrutaziun independent cun sedia a Cuira, purtà d'ina fundaziun e da la Societad per la perscrutaziun da la cultura grischuna. Il igc sustegna ed organisescha projects da perscrutaziun, publicaziuns scientificas ed occurrenzas.
Memoriav
L'uniun Memoriav s'engascha en moda activa e persistenta per il mantegniment, per la valurisaziun e per il vast diever dals bains culturals audiovisuals da la Svizra. Memoriav cusseglia instituziuns e sustegna projects AV en dumondas spezialas e finanzialas. Cun la plattafurma online Memobase facilitescha Memoriav l'access a l'utilisaziun dal patrimoni cultural audiovisual.
Meseum da sport Tavo
Il museum da sport dispona ina collecziun variada da prezius apparats da sport d'enviern e da documentaziuns da la fundaziun da la famiglia Jürg Kaufmann, Tavo e dal archiv dal club da hockey da Davos Seniors inclus il Spengler Cup.
Meseum da vafier Albula Bergün
En il museum da viafier Albula vegnan ils visitaders a savair aspects istorics ed actuals dal traject da viafier il pli spectacular da la Svizra sco er infurmatiuns davart l'istorgia da construcziun e dals midaments economics e socials tras la construcziun da la viafier, quai a maun da locals en furma multimediala ed exponats originals.
Museum regiunal Surselva (Glion)
Il Museum regiunal Surselva ch'è in museum etnografic è vegnì avert l'onn 1988 en la chasa Carniec en il center da Glion. Ultra d'exponats da tut las parts da la Surselva vegnan mussadas exposiziuns temporaras. Ina biblioteca ed in archiv (inclusiv in archiv da films) cumpletteschan l'activitad d'exposiziun.