Qua pudais Vus empustar ina copia da la disposiziun da valitaziun uffiziala actuala d'in bain immobigliar surbajegià. Il pajament po vegnir fatg cun ina carta da credit, da postfinance u cun TWINT.

Agiuntai per plaschair il plainpudair correspundent, sche Vus As laschais represchentar d'ina terza persuna. En cas che Vus duvrais ils documents giavischads sulettamain en Vossa funcziun sco notara/notar, ans inoltrai per plaschair la conferma respectiva.

Vus pudais eleger ina da las suandantas variantas da consegna:

• per posta a l'adressa da la proprietaria u dal proprietari
• per e-mail ad ina tscherta adressa dad e-mail (mo cun fotografia/copia d'in document d'identitad u d'in plainpudair)
• per posta ad ina tscherta adressa da consegna (mo cun fotografia/copia d'in document d'identitad u d'in plainpudair)

Sche Vus giavischais documents da valitaziun detagliads u sche Vus vulais plirs bains immobigliars, empustai quels per plaschair vinavant per telefon u per e-mail tar il biro da valitaziun cumpetent.

Empustar documents da l'archiv dal stadi

Ils documents da l'archiv dal stadi vegnan duvrads per exempel per calcular u per controllar la taglia sin il gudogn tras la vendita da bains immobigliars sco er per ulteriuras cumprovas en connex cun bains immobigliars.

Per l'empustaziun u per infurmaziuns As drizzai per plaschair a noss post da stab:
E-mail: info@aib.gr.ch / Telefon: 081 257 38 46

• Premissa per l'empustaziun: plainpudair valaivel ed adressa da quint actuala
• Custs: 80.-- francs per bain immobigliar
• Temp d'elavuraziun: ca. 14 dis