Dumonda cun obligaziun da valitaziun
Formulars
Examinai per plaschair tge formulars e tge agiuntas che Vus stuais inoltrar. Vus pudais chargiar si a la fin ils formulars emplenids.
En cas d'investiziuns
- ils plans d'execuziun revedids 1:100 u 1:50 (plans orizontals, tagls, fatschadas)
- il rendaquint dals custs da construcziun tras l'architect / Voss agen rendaquint u
- il formular "rendaquint dals custs da construcziun
- la calculaziun da las cubaturas (mo tar midadas da las cubaturas)
En cas da locaziun
En cas da proprietad en condomini
- il reglament e la decleraziun da motivaziun cun ils plans da repartiziun en colur
-
l'adressa da l'administraziun sco er da las proprietarias e dals proprietaris
-
eventualmain ils custs supplementars da la construcziun interna
En cas d'urdens d'utilisaziun e d'administraziun
- l'urden d'utilisaziun e d'administraziun
En cas da dretg da construcziun
- il contract da dretg da construcziun ed il tschains dal dretg da construcziun
En cas d'hotellaria
Inoltrar
Inoltrai sche pussaivel tut ils formulars sin via electronica (online-upload). En cas d'in upload n'èn necessarias naginas suttascripziuns.
Chargiai si qua Voss formulars.
Ulteriur proceder
Entaifer 1 mais suenter che Vus avais inoltrà ils documents cumplets survegnis Vus in termin per l'inspecziun da l'object. Per regla As vegn la disposiziun da valitaziun tramessa entaifer 30 dis suenter l'inspecziun.
Taxas
La taxa cun obligaziun da valitaziun importa:
- per l'emprima valitaziun d'in bain immobigliar sco er en cas d'edifizis novs 1,4 promils da la valur da nov.
- en cas da renovaziuns 1,3 promils da la summa impundida.
- en cas d'ina midada en proprietad en condomini u en cumproprietad cun urden d'utilisaziun e d'administraziun 0,3 promils da la valur da nov.
La taxa che sto vegnir pajada importa minimalmain 150 francs e maximalmain 15'000 francs per mintga bain immobigliar. Per unitads da proprietad en condomini importa la taxa minimalmain 30 francs e maximalmain 15'000 francs.
Per la part da la taxa a partir da 5'000 francs vegn concedida ina reducziun da 33,3 pertschient.
Urden da taxas detaglià: guardar art. 37 OVI.