Cliccai ils singuls titels per survegnir dapli infurmaziuns davart il tema.

Tge assicuranzas vegnan differenziadas?

Assicuranza d'accidents da manaschi

Tut ils accidents che capitan durant la lavur, e las consequenzas da malsognas da lavur.

Assicuranza d'accidents ordaifer il manaschi

Tut ils accidents che na capitan betg durant la lavur.

Tgi è assicurà?

• Collavuraturas e collavuraturs che lavuran 8 uras u dapli per emna, èn assicurads sur la patruna u il patrun cunter accidents da lavur e cunter accidents ordaifer la lavur.
• Collavuraturas e collavuraturs che lavuran main che 8 uras per emna, èn assicurads mo cunter accidents da lavur (incl. viadi a la lavur). Accidents ordaifer la lavur ston vegnir assicurads individualmain tar l'assicuranza da malsauns.
• En cas da collavuraturas e da collavuraturs ch'èn engaschads a temp parzial na pon las uras tar differents patruns betg vegnir cumuladas.
• Tut las collavuraturas ed ils collavuraturs pon sa participar facultativamain a l'assicuranza supplementara LAA (cuvrida privata e greva negligientscha).

Tar tge assicuranza essas Vus assicurada u assicurà?

Las collavuraturas ed ils collavuraturs dals suandants posts da servetsch èn assicurads tar la Suva:

• Uffizi da construcziun bassa
• Uffizi per la natira e l'ambient
• Uffizi da construcziun auta
• Uffizi d'agricultura e da geoinfurmaziun
• Uffizi da guaud e privels da la natira

Las suandantas collavuraturas ed ils suandants collavuraturs èn assicurads tar la Visana:

• Tut las ulteriuras collavuraturas ed ils ulteriurs collavuraturs da l'administraziun chantunala
• Collavuraturas e collavuraturs da las dretgiras chantunalas
• Collavuraturas e collavuraturs da l'Assicuranza d'edifizis dal Grischun
• Collavuraturas e collavuraturs da l'Institut d'assicuranza sociala dal chantun Grischun
• Collavuraturas e collavuraturs da la Cassa da pensiun dal Grischun

Infurmaziuns davart las assicuranzas e davart las prestaziuns

Suva

Pagina d'internet da la Suva

Survista da las prestaziuns LAA da la Suva

Accident a l'exteriur

Assicuranza tenor cunvegna (num da la firma: 1318-972.0) 

En cas d'ina disditga senza nova patruna u nov patrun, en cas d'in congedi betg pajà u en cas d'in pensum da main che 8 uras per emna èsi pussaivel da s'assicurar durant maximalmain 6 mais cunter accidents ordaifer la lavur.

Visana

Pagina d'internet da la Visana 

Assicuranza tenor cunvegna (polissa nr. 4.115774.000.5)

En cas d'ina disditga senza nova patruna u nov patrun, en cas d'in congedi betg pajà u en cas d'in pensum da main che 8 uras per emna èsi pussaivel da s'assicurar durant maximalmain 6 mais cunter accidents ordaifer la lavur.

Assicuranza supplementara facultativa LAA

Igl è pussaivel da far in'assicuranza supplementara LAA tar la AXA. Questa purschida vala independentamain dal fatg, tar tge societad d'assicuranza LAA (Suva u Visana) che Vus essas assicurada u assicurà. Infurmaziuns davart ils custs e davart las prestaziuns èn cuntegnidas sin il fegl d'infurmaziun. L'assicuranza supplementara è concludida, uschespert che la premia vegn deducida sin il rendaquint da salari actual.

Merkblatt

Anmeldung

Proceder en cas d'in accident

• Annunziai immediatamain mintga accident a Vossa superiura u Voss superiur resp. a Voss post da servetsch.
• As infurmai, sche Vus essas assicurada u assicurà. Infurmaziuns respectivas chattais Vus sut «Tgi è assicurà?».
• As infurmai, tar tge societad d'assicuranza che Vus essas assicurada u assicurà. Infurmaziuns respectivas chattais Vus sut «Tar tge assicuranza essas Vus assicurada u assicurà?».
• As infurmai davart Vossas prestaziuns assicuradas. Infurmaziuns respectivas chattais Vus sut «Infurmaziuns davart las assicuranzas e davart las prestaziuns».
• Empleni in'annunzia d'accident e consegnai quella a Voss servetsch da persunal.

En cas da dumondas davart il tema Accidents As drizzai per plaschair a l'Uffizi da persunal dal Grischun.