Igiena da la charn da selvaschina (LARGO)

Infurmaziuns generalas

La Cumissiun per la scolaziun e la furmaziun supplementara da las chatschadras e dals chatschaders organisescha ensemen cun l'Uffizi per la segirezza da victualias e per la sanadad d'animals e l'Uffizi da chatscha e pestga dis da scolaziun e da furmaziun supplementara davart la charn da selvaschina, ina vivonda d'auta qualitad (LARGO).

Ultra da la part teoretica che cumpiglia l'anatomia, la fisiologia, il cumportament da la selvaschina, midadas patologicas da la selvaschina, prescripziuns d'igiena e prescripziuns en connex cun la selvaschina sajettada, ha mintgamai lieu er ina scolaziun pratica.

Per candidatas e candidats che vulan far l'examen da qualificaziun è il curs obligatoric. Ils curs vegnan organisads pliras giadas, qua chattais Vus ina survista dals termins.

Thusis, 2.2.2024: cumplet

La purschida sa drizza a chatschad:ras; a candidat:as da l'examen da qualificaziun da chatscha; a biolog:as da selvaschina; ad ami:as da la natira ed ad autras persunas interessadas. Il dumber da participant:as è limità.