Co davent jau chatschadra u chatschader?
En il chantun Grischun pudais Vus far l'examen da chatscha entaifer 16 mais. L'Ordinaziun chantunala davart ils examens da chatscha è decisiva per las cundiziuns d'examen. Sur la publicaziun en il Fegl uffizial dal chantun Grischun pudais Vus As infurmar detagliadamain.
En cas da dumondas davart l'examen da qualificaziun che na vegnan betg respundidas sin questa pagina d'internet, As drizzai per plaschair a l'administratur, il guardiaselvaschina Gian Fadri Largiadèr, Cinuos chel.
Annunzia en scrit
L'annunzia sto vegnir fatga mintgamai en scrit cun il formular d'annunzia uffizial (cf. documents d'annunzia). Las cundiziuns d'annunzia ed il termin d'annunzia pudais Vus prender encunter il document. Decisiv è mintgamai il bul postal.
Cun il formular As annunziais Vus per:
- l'examen da chatscha
- la prestaziun da tgira
- la scolaziun da chatscha resp. ils curs da scolaziun (facultativ)
Per pudair s'annunziar ston ins:
- preschentar in document d'identitad valaivel
- avair cumplenì 17 onns durant l'onn da l'annunzia
Andament da l'examen
Examen d'armas e da tir
L'examen d'armas e da tir ha lieu il fanadur/avust da l'emprim onn da scolaziun.
Per pudair sa participar a l'examen d'armas e da tir ston ins:
- cumprovar ina prestaziun da tgira d'almain 30 uras
- avair frequentà ina scolaziun d'armas e da tir renconuschida
Termins 2023
Curs da scolaziun LARGO
Il curs da scolaziun LARGO ha normalmain lieu mintgamai il schaner/favrer dal segund onn da scolaziun.
Quest curs è obligatoric. El tracta l'igiena da la charn da selvaschina e l'anatomia dals animals selvadis. Dapli infurmaziuns en chaussa chattais Vus sut la rubrica Igiena da la charn da selvaschina (LARGO).
Examen teoretic
L'examen teoretic "Selvaschina e chatscha" ha lieu il favrer/mars dal segund onn da scolaziun.
Per pudair sa participar a l'examen teoretic "Selvaschina e chatscha" ston ins:
- avair fatg l'examen d'armas e da tir
- cumprovar ina prestaziun da tgira d'almain 50 uras
Termins 2023
La participaziun ad ina scolaziun da chatscha resp. ad in curs da scolaziun è facultativa.
Infurmaziuns davart las scolaziuns survegnis Vus tar l'Uniun grischuna da chatschaders da patenta (UGCP)
Custs
L'annunzia custa 300.– francs plus ina taxa da chanzlia da 20.– francs. Ils custs per ils curs da scolaziun facultativs e per la scolaziun da tir obligatorica chattais Vus sin la pagina d'internet da l'Uniun grischuna da chatschaders da patenta (UGCP).
Documents d'annunzia
Ils formulars per s'annunzchar per la patenta da chatscha 2024/2025, sretschantan sün la pagina "Formulars e dumondas".
Documents da scolaziun
Broschura supplementara (versiun 2019) tar il cudesch da scolaziun "Jagen in der Schweiz"
Catalog da dumondas per l'examen d'armas teoretic (versiun 2019)
Catalog da dumondas per l'enconuschientscha da las leschas (versiun 2019)
Basas giuridicas