Rait da scolas21 grischun
Telerik RadEditor for SharePoint
Il chantun grischun fa part a la «rait da scolas21 – rait svizra da scolas persistentas che promovan la sanadad». Sin basa dals fundaments da la rait da scolas21 naziunala sviluppan l’Uffizi per la scola populara ed il sport e l’Uffizi da sanadad la cussegliaziun per las scolas en il chantun Grischun e las motiveschan da sa metter sin via vers ina scola che promova la sanadad e da daventar ina scola da questa rait. Per la realisaziun ha la Scola auta da pedagogia dal Grischun survegnì in’incumbensa da prestaziun da servetsch.
Scolas grischunas che sa mettan sin via per ina scola che promova la sanadad, vegnan accumpagnadas e sustegnidas da persunas spezialisadas da l’Uffizi da sanadad e da la Scola auta da pedagogia dal Grischun. Nua ch’ina scola entschaiva decida ella sezza. Ils temas èn multifars: clima da scola, sanadad psicosociala da scolaras e scolars, direcziun da scola e/u da persunas d’instrucziun, nutriment saun e promoziun dal moviment en il mintgadi da la scola, prevenziun da dependenza, participaziun, concepziun dal conturn damanaivel a la natira euv.
flyer rait da scolas21 grischun I graubünden I grigioni
promoziun da la sanadad e la furmaziun per in svilup persistent (FSP)
rait da scolas21 – la rait svizra da scolas persistentas che promovan la sanadad – sustegna scolas tar la realisaziun a lunga vista da la promoziun da la sanadad e da la furmaziun per in svilup persistent (FSP). La rait da scolas21 cumpiglia actualmain 2000 scolas en tut las quatter regiuns linguisticas. Radund 30’000 scolaras e scolars profitan uschia d’ina instrucziun che als abilitescha da contribuir ad ina concepziun persistenta da la societad.
princips d’agir
Per la concepziun d’ina scola persistenta che promova la sanadad èn decisivs ils suandants princips d'agir da la promoziun da la sanadad e da la FSP (concept naziunal)
• Orientaziun ad ina visiun
• Pensar interdisciplinar
• Participaziun
• Empowerment
• Egualitad da las schanzas
• Durabladad
effects positivs
• per la participaziun da scolaras e scolars;
• per la collavuraziun en il team da magistras e magisters e cun ils geniturs;
• per il clima da scola;
• per la sanadad da tut las persunas participadas a la scola.