Annunzia per la glista dals ospitals da somatica acuta
Tenor las directivas da la legislaziun federala davart l'assicuranza da malsauns fa la Regenza ina planisaziun per il provediment staziunar da la populaziun dal chantun e da las persunas che sa trategnan en il chantun. Questa planisaziun dals ospitals sto vegnir controllada periodicamain.
Il chantun Grischun ha avert ils 22 da fanadur 2026 la procedura d'annunzia per la glista dals ospitals da somatica acuta 2028. I sa tracta d'ina nova planisaziun da la glista dals ospitals en il sectur da la somatica acuta. En il rom da questa nova planisaziun vegnan quels manaschis, che vulan vegnir resguardads tar la planisaziun dals ospitals ed enumerads cun ina incarica da prestaziun sin la glista dals ospitals da somatica acuta, envidads da s'annunziar per quest intent.
Ils documents d'annunzia pon vegnir consultads e chargiads giu sur ils suandants links:
L'ultim termin d'annunzia è ils 31 d'october 2026 (data da spediziun da l'e-mail resp. bul postal).