Cunquai che las persunas pertutgadas èn savens sut in grond squitsch da temp, na pon ellas betg sa laschar cussegliar professiunalmain u sa procurar ina survista da las purschidas e dals servetschs existents. Enquistas dal UFSP sco er ils lavuratoris d'ina occurrenza da colliaziun cun acturs grischuns han mussà in grond interess per in lieu, nua che las infurmaziuns relevantas vegnan rimnadas e messas a disposiziun. Questa largia serra il chantun Grischun cun lantschar la plattafurma d'infurmaziun: www.tgirar-in-confamigliar.gr.ch

Las cundiziuns per persunas che tgiran ed assistan lur confamigliars èn ozendi difficilas, spezialmain quai che pertutga la distgargia temporala necessaria e l'indemnisaziun. Il chantun prevesa ussa ulteriuras mesiras per meglierar las cundiziuns generalas. Quellas ha el er integrà sco punct central en il Program da la Regenza 2021–2024.