Sin la pagina d'internet tgirar-in-confamigliar.gr.ch chattan las persunas da referiment che porschan assistenza, las persunas spezialisadas ed ils patruns infurmaziuns davart ils posts da cussegliaziun e davart il sustegn finanzial. Plinavant datti là chaussas interessantas davart ils temas congedi e recreaziun sco er lavur ed assistenza.

Contribuziuns d'assistenza a partir dal 2027: renconuschientscha per persunas da referiment che porschan assistenza

A partir dal 1. da schaner 2027 pon confamigliars che gidan dumandar l'Uffizi da sanadad dal Grischun da conceder ina contribuziun sco renconuschientscha per lur prestaziuns d'assistenza. Il chantun Grischun introducescha sin questa data las disposiziuns legalas per las contribuziuns d'assistenza mensilas (art. 44a e s. da la Lescha per promover la tgira da persunas malsaunas). Las modalitads exactas vegnan elavuradas actualmain. Uschespert ch'ellas èn fixadas, infurmescha il chantun puspè sin la pagina d'internet tgirar-in-confamigliar.gr.ch.