Il schaner 2024 ha la Regenza grischuna approvà il Concept general per l'introducziun d'in vast management da cas en las regiuns da provediment da la sanadad (prot. nr. 43/2024) sco part dal Program da svilup 2021–2024.
Il concept skizzescha l'installaziun d'in post da cussegliaziun central che duai infurmar e cussegliar gratuitamain davart purschidas en ils secturs da la sanadad sco er dals fatgs socials e da las finanzas. Sche necessari fa il post da cussegliaziun in management da cas per coordinar purschidas adequatas.
Quai sustegna il princip «ambulant avant staziunar» e promova la prevenziun sco er la diagnosa tempriva. Il concept general serva a las vischnancas sco directiva da basa. El vegn sustegnì da l'Uffizi da sanadad dal Grischun.

Concept general per l’introducziun d’in vast management da cas sco standard per furnir prestaziuns en las regiuns da provediment da la sanadad