La Confederaziun sa participescha a la finanziaziun da mesiras per meglierar l'infrastructura da traffic en citads ed en aglomeraziuns. Quai sut la premissa ch'in program d'aglomeraziun coordineschia en moda efficazia il svilup da l'abitadi e dal traffic cun la planisaziun da la cuntrada. Ils meds finanzials federals per il traffic d'aglomeraziun vegnan mess a disposiziun or dal fond per las vias naziunalas ed il traffic d'aglomeraziun (NAF) e controllads e pajads ora en transchas da quatter onns (uschenumnadas generaziuns).

Sboz per il program d'aglomeraziun da la quinta generaziun accessibel al public fin ils 8 da favrer

 
Il chantun Grischun e las regiuns Landquart, Plaun e Plessur elavuran actualmain il program d'aglomeraziun Cuira da la quinta generaziun (PA 5G Cuira). El cuntegna mesiras che duain vegnir realisadas tranter il 2028 ed il 2032. Il PA 5G Cuira sa basa sin generaziuns da program precedentas. Quellas sviluppa el vinavant a moda sistematica. El cuntegna in'analisa cumplessiva, in'idea dal futur actualisada, il basegn d'agir, las strategias parzialas sco era novas mesiras u mesiras progressivas. Il program d'aglomeraziun furma la basa per ils instruments da planisaziun chantunals, regiunals e communals, cun ils quals vegnan realisads ils cuntegns dal program e las mesiras.

La cooperaziun publica per il PA 5G Cuira cumenza ils 10 da schaner 2025 e dura fin ils 8 da favrer 2025. Uschia han las persunas e las organisaziuns interessadas la pussaivladad da s'exprimer davart il sboz dal PA 5G Cuira. Las directivas federalas per elavurar programs d'aglomeraziun pretendan la cooperaziun publica. Cun inoltrar il program d'aglomeraziun a Berna vegnan evaluads e publitgads ils resuns da la cooperaziun publica. Las disposiziuns davart la protecziun da datas vegnan resguardadas.

Ils documents disponibels per la cooperaziun publica èn gia vegnids consolidads en il rom d'ina emprima runda tranter il Chantun, las regiuns e las vischnancas.

Ils documents suandants pon ins consultar:
documentaziun principala
documentaziun da las mesiras
documentaziun cartografica
formular per inoltrar resuns

Utilisai p.pl. il formular respectiv per inoltrar Voss resuns ed al tramettai sco datoteca da Word a boris.spycher@are.gr.ch cun far la remartga "PA 5G Cuira". En cas da dumondas e malsegirtads As stat gugent a Vossa disposiziun Boris Spycher, manader da project da l'Uffizi per il svilup dal territori dal chantun Grischun, tel. 081 257 23 06.

Suenter la cooperaziun publica vegn il PA 5G Cuira anc ina giada rectifitgà. Lura al approva la cumissiun directiva dal PA 5G Cuira. Las regiuns, las vischnancas e la regenza dal chantun Grischun decidan en chaussa. Il pli tard ils 30 da zercladur 2025 vegn il program inoltrà a las autoritads federalas per l'examinaziun.

Program d'aglomeraziun da la 4. generaziun per Cuira (realisaziun a partir da l'onn 2024)

Il program d'aglomeraziun Cuira da la quarta generaziun è vegnì inoltrà a la confederaziun per l'approvaziun la mitad da settember 2021. Il rapport d'examinaziun da la confederaziun datescha dals 22 da favrer 2023. La deliberaziun dals meds finanzials federals sa basa sin in conclus federal dals 4 da december 2023.

Hauptdokumentation
Massnahmendokumentation
Kartendokumentation

Bericht öffentliche Mitwirkung Zusammenfassung
Bericht öffentliche Mitwirkung
Prüfbericht des Bundes 22. Februar 2023

Program d'aglomeraziun da la 3. generaziun per Cuira (realisaziun a partir da la fin da l'onn 2019)

Perquai che las mesiras dals programs da la 1. e 2. generaziun ston anc vegnir terminadas, èsi vegnì desistì d'elavurar in program d'aglomeraziun da la 3. generaziun.

Program d'aglomeraziun da la 2. generaziun per Cuira (realisaziun a partir da l'onn 2015)

Il program d'aglomeraziun Cuira da la segunda generaziun è vegnì inoltrà a la confederaziun per l'approvaziun la fin da zercladur 2012. Il rapport d'examinaziun da la confederaziun datescha dals 26 da favrer 2014. La deliberaziun dals meds finanzials federals sa basa sin in conclus federal dals 16 da settember 2014.

Prüfungsbericht Chur vom 26. Februar 2014
Synthesebericht
Anhang 1- 12
Anhang 13.1 Zukunftsbild Landschaft
Anhang 13.2 Zukunftsbild Siedlung
Anhang 13.3 Zukunftsbild Verkehr
Anhang 13.4 Zukunftsbild Synthese
Anhang Massnahmenblätter
Richtplananpassung vom 8. Juni 2012

Program d'aglomeraziun da la 1. generaziun per Cuira (realisaziun a partir da l'onn 2011)

Prüfbericht Chur vom 30. Oktober 2009
Botschaft Aggloprogramm vom 11. November 2009
Richtplananpassung vom 27. November 2007
Kurzbericht zuhanden des Bundes, Dezember 2007
Erläuterungen zum Agglomerationprogramm, Dezember 2007
Synthesebericht August 2006
Verkehrskonzept August 2006
Bericht Siedlung August 2006

Agglomerationspolitik des Bundes