Zum Seiteninhalt

Planisaziun directiva regiunala (PDReg)

 
La planisaziun directiva regiunala è ina part integrala da la politica da l'organisaziun dal territori dal Grischun e mussa la grondezza, la multifariadad culturala ed ils differents caracters da las parts dal chantun.

La planisaziun directiva chantunala è ina incumbensa cuminaivla tranter il chantun e las regiuns. D'ina vart vegn il plan directiv chantunal concretisà tras la planisaziun directiva regiunala e realisà specificamain en las regiuns. Da l'autra vart creeschan ils plans directivs regiunals elements impurtants per il plan directiv chantunal. Uschenavant ch'ina adattaziun dal plan directiv regiunal premetta in'adattaziun parallela dals objects en il plan directiv chantunal, vegn quai fatg en ina procedura coordinada.

Ils plans directivs regiunals vegnan approvads da la regenza e daventan uschia liants per las autoritads en il chantun.

Il territori chantunal è oz dividì en 11 regiuns. Ellas han remplazzà il 1. da schaner 2016 las anteriuras corporaziuns regiunalas en consequenza da la refurma dal territori. Uschia hai dà novs nums per las regiuns e per part novas attribuziuns dals territoris
.
Ils plans directivs regiunals vertents restan en vigur entaifer ils novs perimeters da las regiuns.
Charta da las corporaziuns regiunalas fin il december 2015 / regiuns a partir dal 1. da schaner 2016  Charta PDF