La Lescha federala davart la planisaziun dal territori (LPT) prescriva, che tut ils projects da construcziun ordaifer la zona da construcziun stoppian vegnir suttamess a l'autoritad chantunala cumpetenta. Tenor l'art. 25 al. 2 LPT decida il post cumpetent, sch'il project da construcziun è confurm a la zona u sch'i po vegnir concedida ina permissiun excepziunala per il project da construcziun.

La construcziun d'edifizis ordaifer la zona da construcziun è in dals paucs secturs da la legislaziun da construcziun e da planisaziun ch'il dretg federal regla sez, e quai en ils art. 16 fin 16b, 24 fin 24d e 37a LPT sco er en ils art. 33 fin 43 da l'Ordinaziun davart la planisaziun dal territori (OPT).
Vulais Vus inoltrar ina dumonda EOZ? En ils suandants chapitels chattais Vus las infurmaziuns necessarias.

Il 2024 è vegnida introducida ina procedura electronica per la permissiun da construcziun sur ina plattafurma online. Schebain quest servetsch è disponibel en Vossa vischnanca, ma er ulteriuras infurmaziuns davart il project chattais Vus qua.

Vossa persuna da contact per edifizis e stabiliments ordaifer la zona da construcziun chattais Vus qua.