Il Plan directiv chantunal (PDChant) è l'instrument central per reglar il svilup dal territori en il Grischun. El serva a l'urden territorial, a la coordinaziun ed al provediment. El coordinescha activitads che han in effect sin il territori, sco p.ex. il svilup d'abitadis, dal traffic e da l'infrastructura en vista al svilup dal territori giavischà, e procura en quest connex er per la protecziun da las basas da viver natiralas.

En la planisaziun directiva collavura il chantun cun las autoritads da vischnancas, da regiuns, da la Confederaziun e dals chantuns vischins.

Sche las relaziuns sa midan u sch'i resultan novas incumbensas, vegn il PDChant adattà. Las midadas vegnan exponidas publicamain, concludidas da la Regenza dal chantun ed approvadas da la Confederaziun.