Zum Seiteninhalt

Kantonale Richtplanung (KRIP)

 

Il plan directiv chantunal (PDChant) è l'instrument central dal chantun Grischun per reglar ses svilup dal territori. L'incumbensa principala dal PDChant è quella d'accordar tut las activitads impurtantas, uschenumnadas activitads "cun in effect sin il territori". Quai cun la finamira d'obtegnair in svilup uschè persistent ed equilibrà sco pussaivel per tut las gruppas d'interess. Cun agid dal PDChant sco instrument collavura il chantun cun bleras autoritads – vischnancas, regiuns, chantuns vischins, confederaziun – e defenda ils interess fundamentals dal stadi ed en in senn pli vast er da la generalitad envers acturs privats.


Cun la revisiun da la lescha federala davart la planisaziun dal territori (LPT) ch'è entrada en vigur il 1. da matg 2014, è vegnida rinforzada considerablamain l'impurtanza dal plan directiv, e quai particularmain en il sectur dal svilup da l'abitadi. Sa basond sin las disposiziuns da la LPT ha il chantun adattà il plan directiv chantunal en ils secturs politica da l'organisaziun dal territori (chapitel 2) ed abitadi (chapitel 5) (PDChant-A). Ils documents actuals en chaussa sa chattan en il PDChant-A.