Las vischnancas relaschan l'urden fundamental. Quel definescha l'utilisaziun (planisaziun d'utilisaziun) sco er ils princips da la furmaziun e da l'avertura dal territori communal. L'urden fundamental è liant per mintgina e mintgin. L'urden fundamental consista da la Lescha da construcziun, dal plan da zonas, dal plan general da furmaziun e dal plan general d'avertura. Per territoris parzials po vegnir relaschà in plan d'areal.

L'Uffizi per il svilup dal territori cusseglia las vischnancas en dumondas da la planisaziun d'utilisaziun, el coordinescha e scriva las examinaziuns preliminaras e prepara las decisiuns d'approvaziun per mauns da la Regenza. Vossa persuna da contact chattais Vus qua.