La statistica dals alloschaments HESTA è concepida sco retschertga cumplaina e registrescha mintga mais las indicaziuns las pli impurtantas davart las capacitads e las frequenzas dals hotels e dals manaschis da cura sco er dals campadis.

L'onn 2023 han ils 657 manaschis da l'hotellaria en il Grischun registrà 5'425'042 pernottaziuns, 2,5 pertschient pli a pauz che l'onn precedent. L'occupaziun brutta dals 46'131 letgs existents ha importà en quest connex 32,2 pertschient.

La statistica da la parahotellaria (PASTA) registrescha la purschida e la dumonda d'abitaziuns da vacanzas che vegnan administradas en moda commerziala e d'alloschis collectivs. Tar la PASTA sa tracti d'ina retschertga da sondagi, las frequenzas vegnan cumprovadas en il Grischun mo sin il stgalim dal chantun.