En connex cun la revisiun da l'Ordinaziun davart il register federal dals edifizis e da las abitaziuns (OREA; CS 431.841) èn il cuntegn dal REA e l'utilisaziun dal register vegnids extendids. Il medem mument è vegnì fixà da nov en l'Ordinaziun davart ils nums geografics (ONGeo; CS 510.625) che l'Uffizi federal da topografia (swisstopo) maina il register uffizial da las vias sco er da las adressas dals edifizis. Tuts dus registers cuntegnan datas da differentas funtaunas. Uschia vegnan las adressas retratgas dal REA, coordinatas e geometrias da vias e d'edifizis da la mesiraziun uffiziala (MU) e datas specificas supplementaras d'ulteriuras unitads da datas.
Per ch'il barat da datas tranter ils differents posts possia funcziunar senza incaps ed en moda automatisada ston las singulas unitads da datas esser libras da sbagls e las clavs cuminaivlas necessarias per il barat ston esser avant maun en moda cumpletta e correcta.
Rectificaziun dal REA
Per che las datas tranter il REA e la MU possian vegnir cumparegliadas, ston l'emprim vegnir rectifitgads sbagls ed incoerenzas.
Las glistas da las incoerenzas vegnan messas a disposiziun da l'Uffizi federal da statistica (UST) ed èn publitgadas sut il suandant link: Rectificaziun da las datas REA UST.
Meds auxiliars
Per rectifitgar las datas stattan ils suandants meds auxiliars a disposiziun a las vischnancas: